【男人點都要留返啲尊嚴，面對無理要求要say no!】
呢排有個女仔係咁比網民話，原來因為佢喺ig story鬧爆男朋友，屌佢冇盡好做人肉鬧鐘既責任，令到自己group presentation唔知醒遲到，仲搞到自己冇左35 percent既分，甚至有機會留班。呢個時候大家就好嬲，明明較鬧鐘係自己責任喎？點解會公審男朋友呢？
個女仔解釋佢男朋友明明要早起身，所以「理應順便」打電話叫醒自己，將佢當成人肉鬧鐘係信任既表現先啱...(嘩真係多謝佢咁器重男朋友）。網民聽完仲激氣，話佢將責任推卸比其他人、冇責任心、冇自理能力、冇得救。另外有人覺得家醜不得外傳，身為女朋友做錯事竟然第一時間公開數臭男朋友，落他面，已經係公主病既極致，男朋友應該早走早著。
面對種種批評，你可能以為女事主男朋友好大壓力，但男朋友最後低頭認錯。呢個舉令到網民睇唔起佢，亦令正女朋友更加得意忘形，助長佢氣焰。
(利申上面都係copy 報導內容，並冇私人恩怨。雖然女事主既朋友叫我del 文，不過如果單係陳述一件事都叫公審，大概所有新聞傳媒公司都要倒閉吧。anyway，下面先係我對港女愈來愈多要求既睇法）
事實上香港愈黎愈多港男為左遷就女朋友竟然連自尊都唔要，幾無理既要求都應承對方，慘過做奴隸。之前就有女網民認為男朋友有責任要幫女朋友開水樽蓋、帶雨傘、綁鞋帶、拎手袋等等，條件高到O曬嘴。其實佢地講咁多都只係想要個免費工人姐？
香港明明有大把女仔，雖然身邊好多毒J成日狂呻冇女朋友，但係你地都唔使因為驚分手而完全就曬佢架嘛。咁縱佢唔係小事呀，如果繼續落去佢唔單止以為發脾氣係唯一有效解決方法之外，仲會令佢公主病惡化，造成性格缺失，對佢將來人際關係處理上一定會有壞影響。
如果覺得女朋友真係怪錯左自己，不妨大膽啲講出黎啦，驚佢咬你咩？萬一佢堅持死都唔認錯，叫佢過主啦，仲忍。
#你係人唔係狗
Search